मुम्बई । श्रद्धा कपुर र वरुण धवन अभिनित चलचित्र ‘एबीसिडि-२’ ले
प्रियंका चोपडा र अनुश्का शर्मा अभिनित ‘दिल धड्कने दो’लाई पछि पारेको छ ।
पछिल्ला दुई फिल्मको ब्यापार अन्तरले श्रद्धाले प्रियंका र अनुश्कालाई
उछिनेकी छिन् ।‘एबीसिडि -२’ ले आठ दिनमा ७५.७४ करोड ब्यापार गरेको छ भने ‘दिल धड्कने दो’ ले ७५.३८ करोड ब्यापार गरेको छ । ‘दिल धड्कने दो’को पनि समग्र ब्यापार भने कमजोर छैन ।
बलिउडका टे्रण्ड एनालिष्ट तरण आदर्शले ट्वीट गर्दै भनेका छन् ‘एबीसिडि-२’ भारतमा दोस्रो हप्तामा ७५ करोड ब्यापार गरेको छ । शुक्रवार मात्रै ३.७१ करोड ब्यापार गरेको थियो ।’ यो फिल्म अहिलेसम्म वर्षको धेरै कमाउने मध्ये ५ औं नम्बरमा परेको छ । यो फिल्मलाई १०० करोड क्लबमा प्रवेश गर्न धेरै दिन नलाग्ने तरणको भनाई छ ।
